Praksisstudent styrkjer kunnskapsarbeidet

Med fersk fagkunnskap og erfaring frå heimetenesta er masterstudent Mari Brevig no i gang med praksis ved senteret. Ho skal bidra til å styrkje kunnskapsgrunnlaget om gode møteplassar for eldre.

Mari er førsteårs masterstudent i folkehelsevitskap ved NMBU. Hun har bakgrunn som sjukepleiar med erfaring frå heimetenesta. Ho ser praksisperioden som ei viktig moglegheit til å bidra i eit felt ho opplever som både meiningsfylt og framtidsretta. 

I praksisen skal Mari mellom anna kartleggje og samle inn kunnskap om møteplassar for eldre, og bidra til å utvikle innsikt som kan styrkje arbeidet til senteret knytt til meiningsfulle møteplassar. 

– Eg ser verkeleg fram til praksisperioden, og trur det vil bli ei veldig fin erfaring å ta med vidare i både studiar og arbeidsliv. 

– Det er svært verdifullt for oss å ha engasjerte studentar som Mari i praksis. Ho tilfører både fagleg kompetanse og nye perspektiv, og bidreg til at vi kan utvikle endå betre kunnskapsgrunnlag for arbeidet vårt, seier Nina Myklebust, fung. leiar i senteret.