Ny stortingsmelding: Bustader tilpassa ei aldrande befolkning
I Bustadmeldinga som vart lagt fram i mars presenterer regjeringa fire innsatsområde med mål om at folk skal kunne bu i ein egna bustad i heile landet. Eit av tiltaka er å tilpasse bustadmassen til ei aldrande befolkning – med aldersvennlege bustader.
– Bustaden er ein av dei viktigaste rammene for liva våre og vi må sikre at alle har ein god og trygg stad å bu – både i by og bygd, seier kommunal- og distriktsminister Erling Sande i ei pressemelding.
Ein aldersvennleg bustadpolitikk
Meld. St. 13 (2023–2024) - Bustadmeldinga har fire innsatsområde:
- Fleire skal få høve til å eige eigen bustad
- Leigemarknaden skal vere trygg og føreseieleg
- Ta vare på bustadene vi har, og byggje dei vi treng
- Forsterka innsats for dei som ikkje sjølve klarer å skaffe seg og behalde ein eigna bustad
Under innsatsområde Ta vare på bustadene vi har, og byggje dei vi treng, kjem tiltaka knytt til demografiendringane:
"Ein aldersvenleg bustadpolitikk kan leggje til rette for at kvar enkelt gjer gode bustadval for alderdomen, og til at bustadmassen er tilpassa demografiske behov. Særleg i område der det blir bygd få nye bustader, og der det bur mange eldre, vil det ikkje alltid vere mogleg å flytte til ein nyare og meir aldersvenleg bustad. Da vil tilpassing av bustaden kunne vere viktig for at eldre kan bu lenger heime og vere meir sjølvhjelpte".
Eldrebustadprogrammet i Bu trygt heime-reforma
Inn under det same innsatsområde kjem også Eldrebustadprogrammet i Bu-trygt heime-reforma. Eldrebustadprogrammet skal bidra til at alle har tilgang til ein eigna bustad i eit aldersvenleg bumiljø, og til at fleire eldre kan gjere tilpassingar i eigen bustad.
Husbanken har det overordna ansvaret for programmet som vil omfatte tiltak retta mot enkeltmenneske, byggjebransjen og kommunane.