Senteret for et aldersvennlig Norge og dei fire kommunane skal saman prøve ut nye måtar og styrke den digitale kompetansen blant eldre på. Målet er å gjere det enklare for eldre å bruke digitale løysingar og tenester i kvardagen, samstundes som det vert skapt nye møteplassar som styrkjer den sosiale deltakinga blant eldre.
– Digital kompetanse blir stadig viktigare for å kunne delta i samfunnet. Samstundes viser undersøkingar at mange eldre opplever digitale tenester som vanskelege eller uoversiktlege. Gjennom pilotane skal kommunane teste ut løysingar som kan bidra til meir meistring, tryggleik og deltaking seier Nina Myklebust, leder i Senteret for eit aldersvennleg Noreg.
Ulike behov – ulike tilbod
Pilotane består av tre tilbod som er utvikla for å møte ulike behov, men som samstundes utfyller kvarandre og kan brukast i kombinasjon.
-
Digitale Saman
Digitale Saman er eit sosialt lågterskeltilbod der eldre kan møte opp til faste tider for å få hjelp og rettleiing i bruk av mobiltelefon, nettbrett og digitale tenester. Tilbodet blir gjennomført på kommunale møteplassar. Her kan deltakarane lære saman med andre, stille spørsmål og dele erfaringar.
-
Digital Opplæring Heime
For eldre som ønskjer eller treng individuell oppfølging, tilbyr kommunane Digital Opplæring Heime. Gjennom besøk i eigen heim får deltakarane tilpassa rettleiing frå kommunale rettleiarar, basert på eigne behov og mål. Tilbodet skal gjere digital læring meir tilgjengeleg også for dei som ikkje har høve til å delta på felles møteplassar
-
Bli digital – Lån eit nettbrett
Gjennom ordninga Bli digital – Lån eit nettbertt kan eldre låne nettbrett frå kommunen slik at dei kan øve og bli kjende med teknologien i sitt eige tempo. Målet er å senke terskelen for å ta i bruk digitale verktøy og gi fleire moglegheit til å prøve ut teknologi før dei eventuelt investerer i eige utstyr.
Til saman skal dei tre tilboda bidra til auka tryggleik, meistring og deltaking i eit høgt digitalisert samfunn.
Byggjer på samarbeid
– Lokale møteplassar peikar seg ut som ein nøkkel for å lukkast med digital inkludering. Kommunane er sentrale når innsatsen bør skje tett på der folk bur og lever. Pilotprosjektet blir difor gjennomført i samarbeid mellom den enkelte pilotkommune og senteret, fortel Karen Vanessa Sundgot Gurskevik, prosjektleiar for digital inkludering i Senteret for eit aldersvennleg Noreg.
– Kommunalt tilsette skal stå for den faglege opplæringa, medan frivillige skal styrke tilboda med å bidra til at dei eldre får støtte, motivasjon og sosialt fellesskap, legg ho til.
Pilotperioden går over seks til sju månader og skal gi viktig kunnskap om kva tiltak som fungerer best for å redusere digitalt utanforskap blant eldre.
Slik kan eldre delta
Informasjon om tilboda vil bli formidla gjennom kommunane sine eigne kanalar, lokale møteplassar og kampanjar.
Eldre som bur i ein pilotkommune og som ønskjer å delta, kan ta kontakt med kommunen for å få informasjon om dei lokale tilboda.
Det er ingen krav om forkunnskap for å delta. Tilboda er utvikla for både dei som aldri har brukt digitale tenester før, og dei som ønskjer å bli litt tryggare og lære meir.
I veke 25 opnar dørene.
– Vi gler oss, sier Nina og Karen entusiastisk.