Hamnepromenaden

Folk i Stord, og kanskje særskilt dei eldre, har identiteten sin tett knytt til sjøen og det maritime miljøet. Fortetting og privatisering av strandsona har redusert tilgjenge til sjø. I ulike innspelsprosessar har det kome fram eit ønskje om å gjera strandsona i sentrum meir tilgjengeleg, også for dei som har nedsett funksjon.

På bakgrunn av dette er det opparbeida ein universelt utforma turveg/promenade som går langs hamna i sentrum og ut til Onarheimsparken - eit utsiktspunkt med kunstverket «Storddøra» (Sissel Tolaas 2006). Promenaden er terskelfri med ledeliner, benker, og lyssetting.

Promenaden er mykje nytta som turveg av folk i alle aldrar, og særskilt av dei mange eldre som har busett seg i dei nye leiligheitsbygga i sentrum.